# बिहारमध्ये जावयाची अजब ‘बदला’ एक्स्प्रेस! सासरच्यांनी पत्नीची पाठवणी नाकारली, संतापलेल्या जावयाने मेहुणीलाच पळवले!

**छप्रा (विशेष प्रतिनिधी):**
सासरी आलेल्या जावयाचा मानपान राखला नाही किंवा सासरच्यांशी काही कारणाने वाद झाला, तर जावई रुसून निघून गेल्याच्या अनेक घटना तुम्ही आजवर ऐकल्या असतील. पण, बिहारच्या सारण जिल्ह्यातून एक अत्यंत धक्कादायक, थरारक आणि अजब प्रकार समोर आला आहे. पत्नीची पाठवणी (विदाई) करण्यास सासरच्या लोकांनी नकार दिला, म्हणून संतापलेला जावई चक्क आपल्या अल्पवयीन मेहुणीलाच फूस लावून पळवून घेऊन गेला. या संतापजनक घटनेमुळे परिसरात एकच खळबळ उडाली असून, पीडित कुटुंबाने आता न्यायासाठी पोलिसात धाव घेतली आहे.
### नेमकं काय घडलं?
मिळालेल्या माहितीनुसार, सारण जिल्ह्यातील भगवानपूर पोलीस ठाण्याच्या हद्दीत ही घटना घडली आहे. आरोपी जावई आपल्या पत्नीला माहेरून सासरी परत घेऊन जाण्यासाठी आला होता. मात्र, काही कौटुंबिक कारणांमुळे आणि वादाधामुळे सासरच्या मंडळींनी तात्काळ मुलीची पाठवणी करण्यास असमर्थता दर्शवली. “काही दिवसांनी मुलीला पाठवून देऊ,” असे सासरच्यांनी सांगितले. परंतु, हा नकार जावयाच्या चांगलाच जिव्हारी लागला आणि त्याने सासरच्या धडा शिकवण्याचे ठरवले.
### पत्नीऐवजी मेहुणी गायब!
पत्नीला सोबत नेण्यास नकार मिळाल्याने संतापलेल्या जावयाने घरातच मुक्काम ठोकला आणि एक भयंकर कट रचला. घरात सगळे गाढ झोपेत असताना, जावयाने आपल्या अवघ्या १४ वर्षांच्या अल्पवयीन मेहुणीला वेगवेगळ्या गोष्टींचे आमिष दाखवून आणि फूस लावून मध्यरात्री घरातून पळवून नेले. सकाळी जेव्हा कुटुंबाला जाग आली, तेव्हा जावई आणि लहान मुलगी दोघेही गायब असल्याचे त्यांच्या लक्षात आले. सर्वत्र शोध घेऊनही दोघांचा काहीच पत्ता लागला नाही, तेव्हा जावयानेच हा कारनामा केल्याचे उघड झाले.
### कुटुंबाची पोलिसात धाव; गुन्हा दाखल
या धक्कादायक प्रकारानंतर पीडित मुलीच्या वडिलांनी स्थानिक भगवानपूर पोलीस ठाण्यात जावयाविरुद्ध रीतसर तक्रार दाखल केली आहे. पोलिसांनी याप्रकरणी अपहरणाचा आणि अल्पवयीन मुलगी असल्याने पोक्सो (POCSO) कायद्यांतर्गत गुन्हा दाखल केला आहे. पोलीस आता आरोपी जावयाच्या शोधासाठी ठिकठिकाणी छापे टाकत असून, मुलीची सुखरूप सुटका करण्याचे मोठे आव्हान पोलिसांसमोर आहे. सासरच्या वादातून अल्पवयीन मेहुणीचे अपहरण करण्याच्या या विकृत मानसिकतेवर परिसरातून तीव्र संताप व्यक्त होत आहे.
**अशाच नवनवीन आणि धक्कादायक घडामोडींच्या वेगात अपडेट्ससाठी पाहत राहा ‘सहारा न्यूज’ (Saharanews.in)!*
#